Марий Элыште финн-угор калыкын Россий кӱкшытан форумжо лиеш

Марий Элыште финн-угор калыкын Россий кӱкшытан форумжо лиеш
             Марий Элыште финн-угор калыкын Россий кӱкшытан форумжо лиеш. Йошкар-Олаште сентябрьыште кумшо форумым эртараш палемдыме. Марий Элым вуйлатыше Юрий Зайцев Российысе  финн-угор калык- влак ассоциацийым вуйлатыше Пётр Тултаев дене вашлийын. Нуно форумлан ямдылалтме да тудым эртарыме йодышым каҥашеныт. Исполнительный кучем кӱкшытыштӧ мо кӱлешым ме чыла ямдылена. Мероприятий сай кӱкшытыштӧ эрта манын ӱшанем. Уло кумылын уна- вакым вашлийына, финн-угор тӱшкаш пурышо калыкым тургыжландарыме йодыш ден проблеме- влаклан кугу тӱткышым ойырена. Ончыкылык форум деке кӱлеш семын лишемына,- каласен Юрий Зайцев.
            Пётр Тултаевын мутшо почеш, Марий Элыште тӱп калык- влакын йылмыштым арален кодымо кугу опытым погымо. Республике ӱшанле партнёрна улеш. Российыште марий калык да республике финн-угор калыкын вожшо улеш. Тыште йылмым, тӱвырам арален кодымо да вияҥдыме кугу опытым погымо. Йылмым цифровизироватлыме йодышым гына налаш гынат, тыште Марий Эл ончыл радамыште гына огыл, икымше тӱшкаште улеш. Форум нерген ойлаш гын, тиде Марий Элыште икымше Россий кӱкшытан финн-угор самырык- влак форум. Тиде форумым эртараш кумылаҥмыланда тау. Омат кокытелане: чыла сай кӱкшытыштӧ лиеш,- каласен финн-угор калык- влак ассоциацийым вуйлатыше.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски