Республикыштына у пайрем шочеш- Шуко шочшан ешын кечыже

Республикыштына у пайрем шочеш- Шуко шочшан ешын кечыже
              Республикыштына у пайрем шочеш- Шуко шочшан ешын кечыже. Тудым кажне ийын 28-ше мартыште палемдаш тӱналыт. Тыгак 2025-ше ий гыч регионышто еш- влаклан полшымо у мера- влак пурталтыт. Мутлан, очно тунемше мӱшкыран ӱдырамаш- влаклан ик гана 100 тӱжем теҥгем тӱлаш тӱналыт. Шуко шочшан еш- влак ик йочаштым туныкташлан кучылтмо оксан 50 процентшым пӧртылтен кертыт. Ешыште кумшо йоча шочын гын, ипотекым пӧртылташ ик миллион теҥге марте оксам налын кертыт. Тиддеч посна тений еш- влаклан шочшо азалан эн кӱлешан ӱзгарым прокатыш налме пункт- влак почылтыт, кум ияш марте ньога- влакым кӱчык жап социал няня- влак ончен кертыт. Еш идалык кышкарыште республикыште тӱжем утла мероприятийым эртарыме. Республикым вуйлатыше палемден: Ешын талукшо мучашлалтын, но республикыште еш- влаклан умбакыжат полшаш тӱналыт. Тений гыч шочшо икымше йочан ача-аваже «Азалан пӧлекым» налыт. «Еш клуб- влак», «Мемнан кечысе тимуровец- влак» поро кумыл отряд-влак ышталтыт. Тений Российын Президентше Владимир Путинын кӱштымыжӧ почеш у «Еш» калыкле проект ышташ тӱналеш. Торжественный мероприятий кышкарыште эн сай еш- влаклан наградым кучыктымо. Республикым вуйлатышын тауштымашан серышыжым Демидовмыт, Рыбаковмыт да Шаблиймыт еш налыныт. «Республикысе эн сай паша династий» ойыртемалтше пале дене Олег Яндулин палемдалтын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски