Марий Элым вуйлатыше коронавирус инфекциян пациент- влакым амбулаторный йӧныштӧ эмлаш ешарен ик миллион теҥге оксам ойырен
Марий Элым вуйлатыше коронавирус инфекциян пациент- влакым амбулаторный йӧныштӧ эмлаш ешарен ик миллион теҥге оксам ойырен. Республикым социально-экономически вияҥдыме йодышым да ончыкылык кум ийлан бюджетым Марий Элым вуйлатыше Александр Евстифеевын эртарыме Правительствын заседанийыштыже ончымо.
Промышленность министр Станислав Крылов шушаш да ончыкылык 22-шо23-шо ий- влаклан регионым вияҥдыме прогноз дене палдарен. Тудын мутшо почеш, пандемийым ончыде, тений 9 тылзыште чоҥымо пашаште 23 процентлан, ял озанлыкыште 5 утла процентлан, илыме верым пуртымо дене 8 утла процентлан кушмаш палдырна. Лач промышленный продукцийым лукмаште да ужалкалымаште иземмаш коеш. Тыгак министр кӱлешан программе ден проектлам шыҥдарыме кӱшеш сай прогнозыш шуаш лийме нерген ойлен. Финанс министр Алексей Торощин республиксе бюджет нерген законын проектше дене палдарен. Докладше почеш косолидированный бюджетын налог да налогдымо парышыжым шуктымаш тений 21 миллиардат 100 миллион теҥге лийшаш. 2021-ше ийлан бюджетын парышыже 23 миллардат 800 миллион теҥге лиеш манын шонат. Тенийсе кӱкшыт деч 7 процентлан шукырак лийшаш. 22-шо 23-шо ийлаште парыш 25 миллиардат 600 миллион да 27 миллиардат 800 миллион теҥге прогнозироватлалтеш. Тичмаш налмаште бюджет социал корнан лиеш. 61 утла процент роскотшо социал сфере дене кылдалтын. Кугыжаныш парымын кугытшо 2022-шо ий 1-ше январьлан шотлымаште 11 миллиардат 869 миллион теҥге кодеш. 2021-ше ий икымше январь гыч тудо 120 миллион теҥгелан шагалемшаш.
Тазалыкаралтыш министр Марина Панькова эмым ситарыме нерген ойлен. Амбулаторно эмлалтше черле- влаклан эмым ситараш республикылан 25 миллион утла теҥге оксам ойырымо ыле. Регионлаште икмыняр эмын ситыдымашыже палдырна. Йодмашым Российын тазалыкаралтыш министерствышкыже да Минпромторгышко колтымо. Тыгак тудо противовирусный эм ок сите манын да Республикым вуйлатыше деч полышым йодын. Александр Евстифеев йодмаш дене келшен да республикын бюджетше гыч ешарен ик миллион теҥгем пуаш пунчалын.
Вашлиймашыште тыгак шыже-теле да шушаш теле жапыште калыклан лӱдыкшыдымылыкым ыштыме йодышымат каҥашыме. Тиде йодыш ден иктешлымашым правительстве вуйлатышын алмаштышыже Степан Воронцов ыштен. Йӱштӧ пагыт толмо дене кызыт тӱҥ паша профилактике сомылыш виктаралтеш.
Промышленность министр Станислав Крылов шушаш да ончыкылык 22-шо23-шо ий- влаклан регионым вияҥдыме прогноз дене палдарен. Тудын мутшо почеш, пандемийым ончыде, тений 9 тылзыште чоҥымо пашаште 23 процентлан, ял озанлыкыште 5 утла процентлан, илыме верым пуртымо дене 8 утла процентлан кушмаш палдырна. Лач промышленный продукцийым лукмаште да ужалкалымаште иземмаш коеш. Тыгак министр кӱлешан программе ден проектлам шыҥдарыме кӱшеш сай прогнозыш шуаш лийме нерген ойлен. Финанс министр Алексей Торощин республиксе бюджет нерген законын проектше дене палдарен. Докладше почеш косолидированный бюджетын налог да налогдымо парышыжым шуктымаш тений 21 миллиардат 100 миллион теҥге лийшаш. 2021-ше ийлан бюджетын парышыже 23 миллардат 800 миллион теҥге лиеш манын шонат. Тенийсе кӱкшыт деч 7 процентлан шукырак лийшаш. 22-шо 23-шо ийлаште парыш 25 миллиардат 600 миллион да 27 миллиардат 800 миллион теҥге прогнозироватлалтеш. Тичмаш налмаште бюджет социал корнан лиеш. 61 утла процент роскотшо социал сфере дене кылдалтын. Кугыжаныш парымын кугытшо 2022-шо ий 1-ше январьлан шотлымаште 11 миллиардат 869 миллион теҥге кодеш. 2021-ше ий икымше январь гыч тудо 120 миллион теҥгелан шагалемшаш.
Тазалыкаралтыш министр Марина Панькова эмым ситарыме нерген ойлен. Амбулаторно эмлалтше черле- влаклан эмым ситараш республикылан 25 миллион утла теҥге оксам ойырымо ыле. Регионлаште икмыняр эмын ситыдымашыже палдырна. Йодмашым Российын тазалыкаралтыш министерствышкыже да Минпромторгышко колтымо. Тыгак тудо противовирусный эм ок сите манын да Республикым вуйлатыше деч полышым йодын. Александр Евстифеев йодмаш дене келшен да республикын бюджетше гыч ешарен ик миллион теҥгем пуаш пунчалын.
Вашлиймашыште тыгак шыже-теле да шушаш теле жапыште калыклан лӱдыкшыдымылыкым ыштыме йодышымат каҥашыме. Тиде йодыш ден иктешлымашым правительстве вуйлатышын алмаштышыже Степан Воронцов ыштен. Йӱштӧ пагыт толмо дене кызыт тӱҥ паша профилактике сомылыш виктаралтеш.
