Йошкар-Олаште ТЭЦ ден «Т Плюсын» теплосетьше- влак телым ӱшанлын пашам ышташ ямде улыт

                 Йошкар-Олаште ТЭЦ ден «Т Плюсын» теплосетьше- влак телым ӱшанлын пашам ышташ ямде улыт. «Т Плюс» акционер ушем Россий Минэнергон решенийже негызеш тиде олтымо тургымышто пашам ышташ ямде улмо нерген паспортым кучыктен. Документ Энергообъект- влакын чот йӱштӧ да кугу нагрузко дене ӱшанлын пашам ышташ ямде улмыштым пеҥгыдемден ончыкта. Компаний тӱҥ оборудованийлаште чыла кӱлешан олмыктымо пашам шуктен, 440 меҥге кужыт трубопроводым вашталтен. Тидыже кодшо ийысе деч 23 процентлан шукырак. Тений олмыктымо пашалан 15 миллиард теҥге оксам кучылтмо.
                 Марий Эл ден Чувашийысе энергообъектлаште ямдылалтме жапыште 10 паровой турбиным, 12 энергетический котёлым олмыктымо, тепловой сетьлаште пашам шуктымо. Кок республикыште оборудованийым олмыкташ да пойдараш 770 миллион теҥгем кучылтмо. Кодшо ийысе деч 70 миллионлан оксам шукырак ойырымо. Топливо шапаш норматив дене келшен толеш. Персоналым туныктымо да ситарыме.

Прошлые выпуски