Рӱдӧ оласе Дружба уремым кок калыкле проект кышкарыште олмыктымо

                          Рӱдӧ оласе Дружба уремым кок калыкле проект кышкарыште олмыктымо. Тудын Анциферов урем деч Санчурск корно марте ужашыже тенийлан олмыкташ «Лӱдыкшыдымӧ да сай качестван автомобиль корно- влак» калыкле проектыш пурен ыле. Тыге ик уштышат 400 метр кужытышто чыла гаяк пашам шуктымо, кызыт сомыл мучашлалтеш. Вара подрядчик тудлан гарантий почеш мутым кучаш тӱҥалеш.
                         Тидын годымак калык деч тӱшка кумдыклам тӱзатыме шотышто «Илыме вер да оласе кумдык» проект кышкарыште Транспорт урем деч 30-шо школ марте тротуарым олмыкташ ой пурен. Рейтинг йӱклымаште тудо тӱжем утла йӱкым поген. Тыге йолын коштмо верат сылнештын. Теҥгылым да урным вераҥдыман каныме вер- влак шочыныт, кок чарналтышыште павильоным вераҥдыме, ешартыш тулым пуртымо, 30 светодиодан светильникым ыштыме.

Прошлые выпуски