Марий Эл Запорожский областьысе шефыш налме Куйбышев районым уэш нӧлтымаште полышым пуэн шога

Марий Эл Запорожский областьысе шефыш налме Куйбышев районым уэш нӧлтымаште полышым пуэн шога
           Марий Эл Запорожский областьысе шефыш налме Куйбышев районым уэш нӧлтымаште полышым пуэн шога. Марий Элым вуйлатыше Юрий Зайцев видеоконференций йӧн дене Россий Правительстве председательын алмаштышыже Марат Хуснуллинын эртарыме совещанийыште участвоватлен. Заседанийыште у регион- влакым  уэш тӧрлымӧ йодышым каҥашыме. Погынымаште у кундем- влаклан полышым пуышо регионлам вуйлатыше- влак участвоватленыт. Марий Эл Куйбышев районлан кӱлешан полышым пуэн шога. Тымарте 8 объектыште тӧрлымӧ пашам тӱрыс шуктымо. Нунын коклаште социал-кӱлешан 6 объект да вӱдым ситарыме кок объект улыт. Республике йӱлышӧ да шӱрымо материалым, сантехник оборудованийым, чоҥымо материалым пуэн. Марий Эл гыч Куйбышев районыш специализированный техникым- аварий машинам, бульдозерым, краным, автогрейдерым, экскаваторым да комбинироватлыме корно машинам колтен. Тыге республике гыч лӱмын эртарыме сар операций кундемыш чӱчкыдын гуманитар полышым колтен шога.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски