Советский районышто илыше еҥым СВО-што участвоватлымылан медаль дене наградитленыт
Советский районышто илыше еҥым СВО-што участвоватлымылан медаль дене наградитленыт. Александр Моторовлан наградым муниципал районым вуйлатыше Сергей Халтурин кучыктен да вашлиймашке мийыше ачажлан, боецын пелашыжлан тау мутым каласен. Михайловка ялыште илыше боевой действийын ветеранже Александр Моторов «Украиныште лӱмын эртаыме сар операцийын участникше» медаль дене, войсковой частьын командирже, республикысе сарзе комиссариатын тауштымашан серышышт ден палемдалтын. Александр 2022-шо ий декабрь гыч Донецк кунденмыште СВО-што кучедалын. Тений июльышто осколко дене раненийым налын, Химки оласе Бурденко лӱмеш госпитальыш колтымо, эмлыме да реабилитироватлыме тичмаш курсым эртен. Вашлиймаште тудо гуманитар полышын кӱлешлыкше нерген ойлен. Тылат мо кӱлешым шочмо вер гыч налмаш вийым да ӱшаным пуа, ме шкетын огынал манын полыш шижалтеш. А лишыл еҥ- влаклан йыҥгырташ йӧн лектеш гын, ача-аван, пелашын йӱкыштым колат гын, кӧ да мо верч служитлымынам умылена,- каласен боец.
Фото: Партийын верысе пӧлкажын архивше.
