У Торъял районышто посёлкыла кокласе газпучым палемдыме деч ик ийлан ондак пашаш колтымо

У Торъял районышто посёлкыла кокласе  газпучым палемдыме деч ик ийлан ондак пашаш колтымо
           Россий Президентын кӱштымыжӧ почеш У Торъял районышто посёлкыла кокласе  газпучым палемдыме деч ик ийлан ондак пашаш колтымо. Теҥгече Марий Элым вуйлатыше Юрий Зайцев У Торъял районысо Кугу Вӱръял ялыште газым чӱктымӧ церемонийыште лийын. Погынышо- влакым саламлышыла тудо палемден: тиде пучым районысо ялла деке шушаш ийлан ушаш палемдыме ыле.  Российын Президентше Владимир Путинын кӱштымыжӧ почеш  объектым жап деч ончыч сдатлыме. Пӱртӱс газ дене пайдаланаш йӧным 162 сурт налын. Тиде кече гыч 600 еҥ пӱртӱс газ дене пайдаланаш тӱҥалеш. Тиде чынжымак кӱлешан событий, тыланда у илыш тӱҥалеш,- каласен Юрий Зайцев. Тыге республикым газифицироватлыме кӱкшыт 80 утла процентыш шуын. Кӱчык жапыште 22 меҥге наре кужыт газпучым чоҥен шуктымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски