Марий Элым вуйлатыше луман циклонын кышажым кораҥдыме шотышто оперативный штабын заседанийжым эртарен

Марий Элым вуйлатыше луман циклонын кышажым кораҥдыме шотышто оперативный штабын заседанийжым эртарен
               Марий Элым вуйлатыше луман циклонын кышажым кораҥдыме шотышто оперативный штабын заседанийжым эртарен. Юрий Зайцевлан увертареныт: корно служба- влак пеҥгыдемдыме режим дене эрыкыме пашам шуктат. Туге гынат Йошкар-Оласе корнылаште, поснак кудывече ден тротуарлаште паша шуко кодеш. Республикым вуйлатыше паша начар кая, вуйым шийме вер- влакым эрыктымым шке ончен лектам манын. 18-ше гыч 22-шо январь марте лум дене кучедалаш республикысе корнылашке кокла шот дене 160 специализированный технике лектын, корнышто 90 наре еҥ пашам ыштен, 30 техникым тарлен корныш лукмо, вич тӱжем тонн утла ошма да шинчал вартышым кучылтмо. Лев Покровскийын мутшо почеш, кызыт кече еда 14 коммунал-корно машин, 22 трактор, 6 погрузчик, 10 самосвал да моло технике урем корнылаште тырша. Штатный нелыт годым кечеш тӱжемат пеле кубометр лумым шупшыктат, лум лумын шогымо годым- кум пачаш шукырак. Кудывечылаште виктарыше компаний- влак тыршат. Администрацийын контроль пӧлкажын пашаеҥже- влак нарушений- влакым фиксироватлен шогат, нуно огыт кораҥдалт гын, штрафым тӱлыктат. Республикым вуйлатыше пашам виктарыме йӧным уэш ончен лекташ да ситуацийым семдаш мера- влакым ышташ кӱштен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски