Йошкар-Ола администраций эрыктыше эше куд техникым налаш шона
Йошкар-Ола администраций эрыктыше эше куд техникым налаш шона. Урем корнылам кучаш эн ончыч кӱлешан технике- влак нерген олам вияҥдыме шотышто постоянный комиссийын депутатше- влаклан мэр Евгений Маслов, тудын икымше алмаштышыже Лев Покровский, «Город» МУП-ын директоржо Ильдар Хатмуллин каласкаленыт. Молан манаш гын, кугарнян 9-ше февральыште Ола округысо депутат- влак погынымашын 51-ше черетдыме сессийышт лиеш. Повесткыште- ола бюджетыш вашталтыш- влакым пуртымо нерген йодыш уло. Ик темлымашыже- куд специализированный техникым налаш 60 миллион теҥгем йодаш. Тиде- кок универсал коммунал машине, телымат- кеҥежымат пашам ыштат. Ик машиныже 15 миллион утла тенгем шога. Вара комбинированный корно машин, тыгак универсальный: телеымат, кеҥежымат пашам ышта, акше 13 миллионат 800 тӱжем теҥге. Телым пашам ышташлан лумым эрыктыше фрезер-ротор машин, кум миллион утла тенгем шога. Шкенжым сайын ончыктышо эше ик ӱштын-эрыктыше «Бродвей» прицеп. Тыгайым кок машиным налаш шонат. Иктыже куд миллион утла акан. Тыге, чылаже куд технике, акше 60 миллионат 700 тӱжем теҥге. Депутат- влак келшат гын, мэрий вигак торгым увертара.
Фото: Йошкар-Ола администраций.
Фото: Йошкар-Ола администраций.
