Юрий Зайцев Россий МВД-н транспортышто Чуваш линейный пӧлкажым вуйлатыше Артур Сергеев дене пашаче вашлиймашым эртарен

Юрий Зайцев Россий МВД-н транспортышто Чуваш линейный пӧлкажым вуйлатыше Артур Сергеев дене пашаче вашлиймашым эртарен
             Марий Элым вуйлатыше Юрий Зайцев Россий МВД-н транспортышто Чуваш линейный пӧлкажым вуйлатыше Артур Сергеев дене пашаче вашлиймашым эртарен. Вашлиймашыште Марий Эл Правительстве вуйлатышын алмаштышыже Евгений Курмаев, Йошкар- Ола полицийын линейный пӧлкажым вуйлатыше Михаил Чезганов лийыныт. Нуно транспорт инфраструктурышто лӱдыкшыдымылыкым ыштыме годым вашла кылым кучымо, тыгак Марий Элын «Республике кундемыште 2017-ше- 2030-шо ийлаште правонарушенийым шижтарымаш» кугыжаныш программыштыже Чуваш линейный пӧлкан участвоватлымыже йодышым онченыт.
            Артур Сергеев Марий Элым вуйлатышылан шке мутым кучымо участкылаштыже правопорядкын могай улмыжо нерген каласкален. 2023-шо ийыште кӱртньӧ корно, вӱд да юж транспортышто республике кундемыште 37 осал пашам регистрироватлыме. Утларакше нуно колым кучымо да наркотикым шаркалыме дене кылдалтыныт.
           Юрий Зайцев палемден: правам аралыше орган- влакын оперативный пашаштлан кӧра транспорт инфраструктуро объектлаште лӱдыкшыдымылыкын сай кӱкшытшӧ аралалт кодеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски