Марий Элым вуйлатыше Юрий Зайцев паша дене Курык марий районыш миен

Марий Элым вуйлатыше Юрий Зайцев паша дене Курык марий районыш миен
            Марий Элым вуйлатыше Юрий Зайцев паша дене Курык марий районыш миен, фермер озанлыкын пашаже дене палыме лийын да чоҥалтше объект- влакым ончен. Виловат селаште Юрий Зайцев окса укелан кӧра чоҥен шуктыдымо физкультура да тазалыкым пеҥгыдемдыме объектыш миен. Кызыт объект 36 процентлан гына ямде. Умбакыже республикым вуйлатыше Сумки селаш намийыше корным аклен. У корнын кужытшо ныл меҥгат 700 метрыш погына. Корно кок полосан, 6 метр кумдыкан лиеш. Пашалан 443 миллион теҥгем ойырымо. Корным тений шошым пашаш колташ шонат. Республикым вуйлатыше Пайскырык селаште кресаньык-фермер озанлыкыш миен. Тушто тӱҥ шотышто виш верыште саскам да пареҥгым ончен-куштат. Ял озанлык продукций республике кундемыште да пошкудо регионлаште ужалалтеш. Вара вуйлатыше районысо фермер- влак дене вашлийын. Агропромышленный комплекслан полышым пуымо йодыш- влакым каҥшыме. Кодшо ийын ял озанлык сатум ыштен лукшо 61 озанлык техникым налаш 130 миллион теҥге субсидийым налын, тенийлан 129 миллион теҥгем палемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски