Марий Элым вуйлатыше воспитатель- влакым профессионал пайремышт дене саламлен
Марий Элым вуйлатыше школ деч ончычсо тӧнежын пашаеҥже- воспитатель- влакым профессионал пайремышт дене саламлен. Тудо ушештарен: кызыт республикыште тиде сферыште кум тӱжем утла специалист тырша. Педагог- влак шкеныштым социально аралымаште улмыщтым шижышт манын Регионысо кучем мо лиешым чыла ышташ тырша. У тунемме ий гыч педагогике пашаеҥ- влакын должностной окладышт 15 процентлан кугемын,- каласен Юрий Зайцев. Тудо палемден: воспитатель-влакын тыршымыштлан да полшымыштлан кӧра йоча- влакын илышыште чын корнышт вияҥеш да нуным шке пашам йӧратымыштлан тауштен ойлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
