Республикыштына аварийный илыме верла гыч калыкым кусараш шуко пачеран 11 пӧртым нӧлтат

Республикыштына аварийный илыме верла гыч калыкым кусараш шуко пачеран 11 пӧртым нӧлтат
             Республикыштына аварийный илыме верла гыч калыкым кусараш шуко пачеран 11 пӧртым нӧлтат. Тений у пачерлаш 254 еҥ илаш куснен. Нунын коклаште  Йошкар-Олаште, Волжскышто да Оршанкыште илыше- влак улыт. Чоҥалтше 11 пӧртыштӧ 693 еҥлан 276 пачерым налме. Чыла нине объектым тений икымше декабрь марте ыштен шукташ шонат,- увертара чоҥымаш министерстве. Мутлан Волжскышто Прохоров уремыште чоҥалтше пӧртыштӧ 15 пачерым ойырымо. Козьмодемьянскысе кумшо микрорайонышто 24 еш у пачеран лиеш. Волжский районысо Шарачаште Финский уремыште вигак кок пӧртым чоҥен пытарат. Марий Турек районышто 66 еш кусна. Эше кок пӧртым  31 да 32 пачерлан Шернурышто чоҥат. Ныл пӧртым Куженер, Морко, У Торъял да Параньга районышто чоҥен шуктат. Тушто  пӧрт сийым 70 наре еш пайремлаш шона.
            Фото: Чоҥымаш министерстве.

Прошлые выпуски