Марий Элыште тӱвырам вияҥдымашке надырым пыштымылан оҥеш пижыктыме палым пеҥгыдемденыт
Марий Элыште тӱвырам вияҥдымашке надырым пыштымылан оҥеш пижыктыме палым пеҥгыдемденыт. Тудын дене калыкле тӱвыра ден сымыктышым, нунын материально-техник базыштым аралымашке да вияҥдымашке, кадрым ямдылымашке шке надырым пыштыше тӱвыра пашаеҥ- влакым наградитлаш тӱҥалыт. Оҥеш пижыктыме палым тӱвыра, печать да калык- влакын пашашт шотышто министерствылан 70 ий темме идалыкыште ыштыме. Тидын нерген приказым министр Константин Иванов пеҥгыдемден. Тиде отрасльын наградыжлан шотлалтеш. Тудым пуашлан ходатайствым ведомствын коллегийже онча.
