Марий Элым вуйлатыше Юрий Зайцев Никжнекамск оласе калыклан шке чаманымашыжым каласен
Марий Элым вуйлатыше Юрий Зайцев таче йӱдым Татарстанысе Никжнекамск олам чот атаковатлымылан кӧра 13 еҥ ӱмыр лугч лийме деч вара шке чаманымашыжым каласен. 13 еҥ кокла гыч иктыже - йоча. Тиде мемнан элна, еҥ- влак ваштареш шучко паша, лӱдыкташ тыршымаш. Россий калыкын икоян улмо шӱлышыжым пытараш тӧчымаш,- каласен Зайцев. Тидымат ешарен: шкенжын да республикысе калыкын лӱмжӧ дене ӱмыр лугыч лийше- влакын лишыл еҥыштлан кугу чаманымашым каласа. Тендан ойгыдам ме лош пайлена. Эҥгекыш логалше- влаклан вашкерак тӧрланаш тыланена. Марий Эл тендан дене пырля,- каласен тудо. Ушештарена: таче эрвелеш ВСУ-н БПЛА-же влак Татарстаным чот атаковатленыт. Нижнекамск оласе промышленный объект да граждан инфраструктура атаковатлымашке логалын. Тыге 13 еҥ, икытже- йоча, ӱмыр лугыч лийыныт, эше 39 еҥ тӱрлӧ семын сусырген. Россий Следствий комитет уголовный пашам тарватен. Татарстаныште таче траур кечым увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
