Марий Элым вуйлатыше Юрий Зайцев оперативный йодыш- влак дене совещанийым эртарен

Марий Элым вуйлатыше Юрий Зайцев оперативный йодыш- влак дене совещанийым эртарен
              Марий Элым вуйлатыше Юрий Зайцев оперативный йодыш- влак дене совещанийым эртарен. Тушто шкевуя чумырымо шӱк-куштырам пытарыме, ондак учётыш налме кусараш лийдыме объектлан озаштым рашемдыме шотышто йодыш- влакым каҥашеныт.
             Заседаний тӱналтышыште Юрий Зайцев муниципал образованийлам вуйлатыше- влаклан верысе самоуправленийын пашаштыже сай лектышыш шумылан диплом- влакым кучыктен. Марий Турек район икымше верлан диплом дене палемдалтын, Звенигово- кокымшо, Медведево район кумшо верым налыныт. Эн сай муниципалитет радамыш тыгак Йошкар-Ола ола округ, Волжск ола, Козьмодемьянск ола, Волжский район пуреныт. Вич сферым шотыш налын акым пуат: экономически вияҥмашым, школ ден ончычсо шинчымашым пуымашым, илыме верым чоҥымашым, калыклан илыме верым ситарымашым, илыме вер да коммунал озанлыкым, муниципал виктарымашым ыштымашым.
             Кугыжаныш пого министр Алексей Плотников увертарен: Президент Владимир Путинын кӱштымыжӧ почеш республикыште ондак учетыш налме кусараш лийдыме погын озаштым рашемдымаш умбакыже шуйна. Тиде пашам верысе самоуправлений орган- влак шуктат. Таче кечылан Юрино ден Оршанке район тиде пашам шуктымо дене ончылно улыт. Тиддеч посна муниципал пого шотышто оза правам регистрироватлыме да кугыжаныш кадастр учетыш шогалтыме шотышто паша шукталтеш. Тений кусараш лийдыме 539 объект шотышто тыгай мероприятийым эртараш палемдыме.
               Чоҥымаш, архитектура, илыме вер да коммунал озанлык шотышто министр Александр Криворотовын увертарымыже почеш шке вуя шӱк-куштырм чумырымо вер- влакым Йошкар-Олаште, Волжский, Советский районлаште рашемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски