Марий Элым вуйлатыше Юрий Зайцев республикысе калыкым У ий дене саламла

Марий Элым вуйлатыше Юрий Зайцев республикысе калыкым У ий дене саламла
             Теве шукат ок эрте, кок кече гыч ме изижге-кугужге вучымо, волгыдо теле пайремым вашлияш тӱҥалына. Марий Элым вуйлатыше, Правительствын председательже Юрий Зайцев республикысе калыкым У ий дене саламла. Ме мучашыш лишемше идалыкым иктешлена, ончыкылан планым чоҥена, тургыжланымашыже шеҥгелан кодеш, ончылно поро увер гына вуча манын ӱшанена. Тиде сай шонымаш, ыштыме планын шукталтмыжлан ӱшан мыланна нелылыкым сеҥаш, сай лектышыш шуаш йоным ыштат. Эртыше ий неле ыле, но уло эллан да кажныланна пеш кӱлешан ыле. Тиде- лектыш дене пашам ыштыме ий ыле. Экономикыште санкций- влакым ончыде, республикыште промышленностьын, чоҥымо пашан, ял озанлыкын показательышт кушкыныт, Ай-Ти сектор да турист отрасль чолган вияҥыт. Шушаш ийыште ме кугу тӱткышым экономик да социал проблемым, инфраструктурым вияҥдыме, туныктымо паша ден тӱвырам, самырык тукымын шӱм-чон да кап-кыл тазалыкшылан ойыраш тӱналына. Тек шушаш 2024-ше ий поян, ласка да лектышан лиеш,- ойлалтеш Республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски