Марий Элыште «Йӱшӧ водитель» оперативно-профилактике мероприятийым эртараш палемдыме
Марий Элыште «Йӱшӧ водитель» оперативно-профилактике мероприятийым эртараш палемдыме. Тенийсе 29-ше декабрь гыч шушаш ийын 7-ше январь марте республике мучко полиций пашаеҥ- влак «Йӱшӧ водитель» мероприятийым эртарат. Тудо корно гыч руль воктеке йӱшӧ вуя шичше, шкем кӱлеш семын кучыдымо водитель- влакым кораҥдаш да аварийым ышташ огыл манын эртаралтеш. Тений идалык тӱҥалтыш гыч йӱшӧ водитель- влак 76 корно происшествийым ыштеныт. Тушто 14 еҥ колен да 127 еҥ тӱрлӧ семын эмганен. Палемдыман: тӱшка чот гыч 65 аварий ситуацийым лач йӱшӧ водитель- влак ыштеныт. Нунын титиакыштлан кӧра 14 еҥ ӱмыр лугыч лийын да 110 еҥ эмганен. Чыла каныш да пайрем кечылаште полиций пашаеҥ- влак пеҥгыдемдыме режим дене службым наҥгаят: ДПС экипаж- влак ешаралтыт. Посна тӱткыш калык шуко погынымо верлан да каныме кумдыклан ойыралтеш. Чыла районыштат рейд мероприятий- влак эртаралтыт. Идалык тӱналтыш гыч Кугыжаныш инспекций пашаеҥ- влак транспортым виктарыме деч кок тӱжем утла йӱшӧ водительым кораҥденыт. Нунын кокла гыч шӱдӧ нарыже нерген еҥ- влак увертареныт.
Фото: МВД-н ГИБДД виктемже.
Фото: МВД-н ГИБДД виктемже.
