«Жардон» фольклор ансамбль кугу лӱмым налын
«Жардон» фольклор ансамбль кугу лӱмым налын. Российын тӱвыра министерствыже «Жардон» одо калык фольклор ансамбльлан «Калык усталыкын сулло коллективше» кӱкшӧ лӱмым пуэн. Усталык коллектив Марий Турек районысо Карлыган ялысе тӱвыра пӧрт пелен 1975-ше ий годсек пашам ышта. 40 утла ий жапыште ансамбль калык ончыко шуко оҥай программым луктын. Федерал кӱкшытан степеньым чылаже элысе 61 коллектив налын. «Калык усталыкын сулло коллективше» лӱм Россий тӱвыра министерствын ведомственный наградыжлан шотлалтеш да 2014-ше ий годсек калык коллектив да любитель усталык ушем- влаклан кучыкталтеш.
