Йошкар-Олаште пашан ветеранже- влаклан проездной билетым ыштат
Йошкар-Олаште икымше сентябрь гыч пашан ветеранже- влаклан проездной билетым ыштат. Тыге троллейбус дене кудалышташ пашан ветеранже- влалкан у категорий проездной билет лиеш. Тудым «пашан ветеранже» статусан еҥ- влак налын кертыт. Акше- тылзеш 800 теҥге. Льготан проезднойым Троллейбус транспорт муниципал предприятийын проездной билетым ужалыме пунктлаштыже ветеранын удостоверенийжым ончыктен кажне тылзын 22-шо числа гыч налаш лиеш. Ужалыме вер- влак Рӱдӧ рынкыште машина гыч, Ленин лӱмеш тӱвыра полат ончылно, «Олимп» кевыт воктене да «Троллейбус парк» чарналтышыште верланеныт.
