Марий Элыште чыла 206 ФАП-ым интернет деке ушымо

Марий Элыште чыла 206 ФАП-ым интернет деке ушымо
           Марий Элыште чыла 206 ФАП-ым интернет деке ушымо. Тиде пашам Республикыштына «Тазалыкаралтыш аланыште единый кугыжаныш увер системе негызеш единый цифран контурым ыштымаш» регионысо проектым шыҥдарыме кышкарыште ыштыме. Проектым 2019 ийыште шукташ тӱналме.  Тудлан 656 миллион теҥгем кучылтмо. Тудлан кӧра  38 медицина организацийыште куд тӱжемат 865 пашавер лектын, а интернет деке чыла фельдшер-акушер пунктым ушымо. Тыге пациент- влак врач деке тора гыч возалт кертыт, а тений июль гыч специалист деке возалташ Россий минцифрын данныйжын витриныжым кучылташ лиеш. Тиддеч посна Марий Элысе тазалыкаралтышын кугыжаныш увер системыже Россий федерал сервис дене ушалтын. Тидын шотыштак «Шӱм да вӱргорно чер», «Онкологий», «Акушерстве ден гинекологий. Неонатологий», «Профилактик медицине» увер системе- влак дене ушалтын. Тыгак «врач-врач», «врач-пациент» йӧн дене телемедицина консультацийым пуртымо, районласе вашке полыш бригаде- влак ЭКГ-м Республикысе сосудистый рӱдерыш вигак колтен кертыт.

Прошлые выпуски