Марий Элысе агропромышленный комплексыште вич ийыште 28 инвестиций проектым шыҥдарыме
Марий Элысе агропромышленный комплексыште вич ийыште 28 инвестиций проектым шыҥдарыме. Тиде жапыште АПК-шке пыштыме тӱшка инвестицийын кугытшо 9 миллиардат 100 миллион теҥгеш погынен. Ял озанлык министр Андрей Кондратенко Марий Элым вуйлатыше Юрий Зайцевлан 2020-шо- 2024-ше ийлаште республикым социал-экономик велым вияҥдыме индивидуал программе кышкарыште ял озанлык продукцийым, сырьем да продовольствийым лукташ кумылаҥдыме мероприятийым шыҥдарыме лектыш нерген увертарен. Индивидуал программым шыҥдарыме дене 770 у пашаверым ыштыме. Тидыже пашадымылыкым шагалемдаш полшен, республикын бюджетышкыже налог 599 миллион теҥгелан шукырак пурен. Кугыжаныш полыш программе кум корным авалтен: шӧрым пуышо вольыкым ончымо пашам, урлыкашым куштымо да ял озанлык продукцийым перерабатыватлыме пашам авалтен. 2025-ше-2030-шо ийлаште республикым социал-экономик велым вияҥдыме у индивидуал программе шыҥдаралтеш. Тидлан кӧра мемнан регион полышлан ешартыш пайдале механизмым налын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
