«Марий Элысе Икымше- влакын толкыныштын» регионысо пӧлкаштыже 57 тӱжем участник да кум тӱжем наставник шотлалтыт
«Марий Элысе Икымше- влакын толкыныштын» регионысо пӧлкаштыже 57 тӱжем участник да кум тӱжем наставник шотлалтыт. Теҥгече Юрий Зайцев Республикысе лидер-организатор- влакын «Российын йӱлышӧ шӱмжӧ» форумыштышт икымше- влакын толкыныштын регионысо пӧлкажын активистше- влаклан наградым кучыктен да ӱдыр-рвезе- влаклан пайдале пашаштлан тауштен. Мый ужам: тендан шинчада йӱла. Уло чон дене полшеда. Кугу полышым те элнам аралыше мемнан воин- влаклан пуэда. Тиде пеш кӱлешан,- каласен Юрий Зайцев. «Российын йӱлышӧ шӱмжӧ- влак» форум самырык тукым коклаште шочмо элым йӧратыме шонымашым, шӱм-чон поянлыкым пеҥгыдемдымашке, тукым гыч тукымыш поянлыкым кусарен толмашке виктаралтын. Форумышто Кугу Ачамланде сарыште сеҥымылан 80 ий теммылан «Ме Кугу сеҥымашын уныкаже улына» проектым шыҥдарымылан, «Марий Эл- полшаш шонымашын да полшышо еҥ- влакын кумдыкышт» Республикысе поро кумыл социал проектым, «Мемнан кечысе тимуровец- влак» акцийым илышыш пуртымылан ойыралтеш. Марий Элым вуйлатышын тауштымашан серышыже дене икымше- влакын регионысо советшын еҥышт- У Торъял школын тунемшыже Ангелина Иванова, Марий университетын студенткыже Анастасия Соловьёва, Йошкар-Оласе технологий колледжын студенткыже Мария Демакова палемдалтыныт. Тыгаяк серышым Медведевысе йоча усталык пӧртын методистше Татьяна Кудрявцевалан, икымше- влакын толкыныштын регионысо пӧлкажын проектше- влакым вуйлатыше Ольга Мишиналан, Советский районысо верысе пӧлкам вуйлатыше, йоча усталык пӧртын директоржо Алёна Яровиковалан кучыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
