Солнечный посёлкышто чодыраште йомшо еҥ- влакым кычалаш тунемыныт
Солнечный посёлкышто чодыраште йомшо еҥ- влакым кычалме шотышто тактико-специальный тунеммаш эртен. Тудым граждан обороно да калыкым аралыме комитет ямдылен. Тунеммашын легендыже почеш, пуйто Советский район администрацийыш Солнечный кундемысе чодыраште еҥын йоммыжо нерген увер пурен, лу шагат наре тудын дене кыл уке, сеть ок ыште. Тунеммашын еҥже да 60 волонтёр тыршен кычалмышт дене йомшо еҥым муыныт. Тунеммаште район да Солнечный посёлко администрацийын, аварийно-утарыше службын, кугыжаныш да муниципал службо колледжын, «ЛизаАлерт» кычалше отрядын, «Велес» НКО-н, Озаҥ ола гыч «Регионысо мер утарыше отрядын» еҥышт участвоватленыт. Чылаже 96 еҥ да 15 технике ушнен.
Фото: Граждан оборона да калыкым аралыме комитет.
Фото: Граждан оборона да калыкым аралыме комитет.
