Республикыштына йырым йырысе южын могай улмыжым эскераш федерал кугыжаныш сетьым ышташ шонат
Республикыштына йырым йырысе южын могай улмыжым эскераш федерал кугыжаныш сетьым ышташ шонат. Тудым Йошкар-Оласе «Интеграл» микрорайонышто кучылташ тӱҥалыт. Тидын нерген пӱртӱс поянлык минстр Алексей Киселёв увертарен. Правительстве председательын икымше алмаштышыже Александр Сальниковын эртарыме совещанийыште Республикым вуйлатышын пашажым шуктышо Юрий Зайцевын кӱштымыжӧ почеш каласыме микрорайонышто шикш-пуш шарлыме йодышым каҥашыме. Тымарте икмыняр мерым ыштыме да йодышым виктарыме корно- влакым рашемдыме.
Кудымшо июль гыч тӱҥалын 22-шо август марте Роспотребнадзор виктем южын кок тӱжемат 300 утла пробыжым налын, норматив деч кораҥмашым рашемдыме огыл. Пӱртӱс поянлык министр увертарен: мланде шӱйым ырыктен шинчыше коҥгам кучылтшо предприятий- влакым рашемдыме, 29 шижтарымашым кучыктымо. Ола администраций штабым ыштен. Пӱртӱс поянлык министерствым вуйлатышылан южым эскерен шогышо федерал кугыжаныш сетьым ыштыме пашам ямдылаш кӱштымӧ. Тиде сеть эскерыме пост- влакым ышташ йодеш, нуно кызытсе жаплан келшыше оборудований дене пойдаралтшаш улыт да Росгидрометын верласе органышт негызеш пашам ышташ тӱҥалыт.
Олан мэржылан микрорайонышто арня еда южын качествыжым ончышо мониторингым эртараш кӱштымӧ. Правительстве председательын икымше алмаштышыже законым пудыртышо- влакым чылаштым рашемдаш, арня еда терген шогащ да паша лектыш дене калыкым палдарен шогаш кӱштен.
Фото: Марий Элым вуйлатышын организаций да аналитик виктемже.
Кудымшо июль гыч тӱҥалын 22-шо август марте Роспотребнадзор виктем южын кок тӱжемат 300 утла пробыжым налын, норматив деч кораҥмашым рашемдыме огыл. Пӱртӱс поянлык министр увертарен: мланде шӱйым ырыктен шинчыше коҥгам кучылтшо предприятий- влакым рашемдыме, 29 шижтарымашым кучыктымо. Ола администраций штабым ыштен. Пӱртӱс поянлык министерствым вуйлатышылан южым эскерен шогышо федерал кугыжаныш сетьым ыштыме пашам ямдылаш кӱштымӧ. Тиде сеть эскерыме пост- влакым ышташ йодеш, нуно кызытсе жаплан келшыше оборудований дене пойдаралтшаш улыт да Росгидрометын верласе органышт негызеш пашам ышташ тӱҥалыт.
Олан мэржылан микрорайонышто арня еда южын качествыжым ончышо мониторингым эртараш кӱштымӧ. Правительстве председательын икымше алмаштышыже законым пудыртышо- влакым чылаштым рашемдаш, арня еда терген шогащ да паша лектыш дене калыкым палдарен шогаш кӱштен.
Фото: Марий Элым вуйлатышын организаций да аналитик виктемже.
