Марий Элысе Волжск ола гыч кучедалше уэш Россий Кубкышто сеҥыше лийын
Марий Элысе Волжск ола гыч кучедалше уэш Россий Кубкышто сеҥыше лийын. Угарман областьысе Бор олаште рвезе- влак коклаште греко- рим кучедалмаш дене Олимпий модмашын сеҥышыже Анатолий Парфёновым шарныме лӱмеш Российын кубокшо верч турнир мучашлалтын. Медаль верч Элысе 53 регион гыч 500 атлет кучедалын. 65 килограмм марте нелытан- влак коклаште Российын сулло тренерже Волжск оласе олимпий резервын спорт школжын тренерже Александр Серяковын тунемшыже Владислав Бырля кучедалын. Тиде ийгот категорийыште 95 спортсмен лийын гынат, Владислав чыла вашлиймашыштат сеҥен, Финалыштат Мордовий гыч спортсменым ончылтен.
Фото: Архив.
Фото: Архив.
