Марий Элыш Лениград верч кредалме верла гыч капсуло дене рокым кондат

Марий Элыш Лениград верч кредалме верла гыч капсуло дене рокым кондат
             Марий Элыш Лениград верч кредалме верла гыч рок дене капсулым кондат. Тушто мемнан республике гычат герой- влак  кучедалыныт. Рокым налмаш «Невский пятачок» мемориал комплексыште торжественный шӱлышыштӧ эртен. Церемонийыште Федераций Советын оборона да лӱдыкшыдымлык шотышто комитетшын икымше алмаштышыже, Марий Эл деч сенатор Сергей Мартынов, Ленинград область правительствын, район администрацийын еҥышт, марий землячествын йыжыҥеҥже- влак, волонтёр, байкер, кадет, боевой действийлан ветеранышт лийыныт. Рокым кычалше- влакын Невский пятачокышто мумо противотанковый пушко деч гильзыш пыштыме. Тудым «Шарнымаш экспедиций» Сеҥымашлан 80 ий теммылан пӧлеклалтше  мотопробегын участникше- влаклан пуымо. Мотопрбег 5-ше сентябрьыште тӱҥалеш да Марий Эл гыч воин- влакын подвигышт дене кылдалтше чыла верымат авалта. Тыгай акцийым эртарыше да тушто участвоватлыше- влаклан чылаштлан тау. Тыгай мероприятий- влак мемнан историйнам иктат, икганат уэш возен ынышт керт, совет калыклан сеҥымаш могай ак дене толмым ынышт мондо манын, пеш кӱлешан улыт,- каласен Марий Элым вуйлатыше Юрий Зайцев.
           Фото: Юрий Зайцевын ВК-же.

Прошлые выпуски