Волжск олаште бульварым ышташлан федерал бюджет гыч 99 миллионат 500 тӱжем теҥгем ойырат

Волжск олаште бульварым ышташлан федерал бюджет гыч 99 миллионат 500 тӱжем теҥгем ойырат
              Волжск олаште бульварым ышташлан федерал бюджет гыч 99 миллионат 500 тӱжем теҥгем ойырат. «Волжск оласе Северный районышто Либкнехт ден Прохоров урем коклаште шуко функциян йолешке бульварым ыштымаш» проект Йӧнан оласе  кумдыкым ыштыме шотышто эн сай проектлан  Россий кӱкшытан 10-шо  конкурсышто сеҥышыш лектын. Тидын нерген шке телеграм- каналыштыже Марий Эл Правительство вуйлатышын икымше алмаштышыже Наталья Ошланова каласкален. Изи ола- влакым да историй шотан илем- влакым вияҥдымаш» Россий кӱкшытан 10-шо форум Озаҥ олаште эртен. Марий Эл гыч «Изи ола- влак да 50 гыч 100 тӱжем наре еҥ илыман илем- влак» категорийыште Волжскышто йолешке бульвар нерген проектым пуымо.  Проектым сеҥышылан шотлымо да федерал казна 99 миллионат 500 тӱжем теҥгем ойыра. Тиде кӱлешан сеҥымаш мемнан проектын кӱкшӧ качествыжым да социал кӱлешлыкшым ончыкта. Тыгай кугу конкурсышто сеҥымаш ямдылыше командын тыршымыжым шотыш налмым да тӱҥалтышын кӱлешлыкшым пеҥгыдемден ончыкта,- палемден Наталья Ошланова.
           Фото: Наталья Ошланован ТГ каналже.

Прошлые выпуски