Марий Элыште аварийный пӧртла гыч калыкым кусарыме у программым ямдылаш тӱналыныт
Марий Элыште аварийный пӧртла гыч калыкым кусарыме у программым ямдылаш тӱналыныт. Тиде программым Чоҥымаш, архитектура, илыме вер да коммунал озанлык министерстве муниципал образованийлан администрацийышт дене пырля ыштат. Калыкым кусарыме пашам тымарте «Илыме вер да оласе кумдык» калыкле проект кышкартыште шуктымо гын, ынде тудымак «Илашлан инфраструктура» проект ышташ тӱҥалеш. Эн ончыч у программе кышкарыште сӱмырлен кертме лӱдыкшӧ улман да суд решений почеш эн ончыч кусарышаш пӧрт- влакым рончаш тӱҥалыт. Чылаже 2025-ше- 2028-ше ийлаште тиде пашалан ик миллиардат 300 миллион теҥге кайышаш, кундемлам вияҥдыме фондын оксаже 800 миллион теҥге лиеш. 2025-ше- 2028-ше ийлаште Марий Элыште 13 тӱжем квадрат метр лунчыргышо илемым пытарышаш да 700 наре еҥым кусарышаш улыт,- возен шке телеграм каналыштыже правительстве вуйлатышын икымше алмаштышыже Наталья Ошланова.
Фото: МариМедиа.
Фото: МариМедиа.
