Юрий Зайцев тений Правительствын еҥже- влак дене икымше оперативный совещанийым эртарен
Юрий Зайцев тений Правительствын еҥже- влак дене икымше оперативный совещанийым эртарен. Погынымаште 2023-шо ийыште Республикым социал-экономик велым вияҥдымашым иктешлыме да тенийлан планым каҥашыме. Марий Элым вуйлатыше правительствын еҥже- влакын докладыштым колыштын. Вара палемден: тений регионышто икмыняр кугу проектым шыҥдараш палемдыме. Нуно ятыр лу ийлан республикын ончыкылыкшым рашемдат. Тӱҥ цельлан республикысе калыкын илышыжым саемдымаш, илашлан йӧнан кумдыкым ыштымаш, экономикым да социал сферым пайдалын вияҥдымаш шотлалтыт. Республикым вуйлатыше погынышо- влаклан эртыше ийын палемдыме планым сайын мучашлымылан тауштен да тений лектыш дене пашам ышташ тыланен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
