Марий Эл Правительствыште корно отрасльым вияҥдыме да тудын паша лектышыжым каҥашыме
Марий Эл Правительствыште корно отрасльым вияҥдыме да тудын паша лектышыжым каҥашыме. Марий Элым вуйлатыше Юрий Зайцев ден транспорт министр Александр Герасименко кодшо ийын лектышыжым иктешленыт да ончыкылан планым палемденыт. Корно отрасльым вияҥдымаште ойыртемалтше ончыл виктышлан «Качестван лӱдыкшыдымӧ корно» калыкле проект шотлалтеш. Александр Герасименко увертарен: 2023-шо ийын лектышыже почеш «Регионысо да верысе корно сеть» регионысо проект кышкарыште 402 меҥге кужыт корным пашаш колтымо. Тушечын 112 меҥгыжым графикым ончылтен ыштыме. 2023-шо ийын лектышыже почеш Марий Эл ончычсо ий дене таҥастарымаште корнышто колышо- влакын чотыштым шагалемдыме дене Российысе регион- влак коклаште кокымшо верым налын. Республикым вуйлатышын тӱҥалтышыже почеш кодшо ийын 90 у автобусым налме, вич троллейбусым инфраструктура бюджет кӱшеш налаш контарктым ыштыме, 2030-шо ий марте регионым вияҥдыме индивидуал программе кышкарыште 50 троллейбусым налаш темлымашым ямдылыме. Олаште у транспорт маршрут- влакым ыштыме. Тенийлан корным олмыкташ чыла контрактым пеҥгыдемдыме. Корно шотышто калыкле проектын тенийсе лектышыже почеш нормативлан келшыше автомобиль корным 44 утла процентыш шукташ палемдыме. Тиде кӱкшытыш шуаш 170 меҥге деч шагал огыл корным ачалыман. Марий Элым вуйлатыше палемден: корно отрасль кызыт регионым социал- экономик велым вияҥдаш полшышо ик вӱдышӧ отрасльлан шотлалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
