Корно пашазе- влак тений шуктышаш пашашт нерген каласкаленыт

Корно пашазе- влак тений шуктышаш пашашт нерген каласкаленыт
               Корно пашазе- влак «Качестван лӱдыкшыдымӧ корно» калыкле проектым шыҥдарыме кышкарыште тений шуктышаш пашашт нерген каласеныт. Тений эн кугу кужытыш шуйнышо олмыктымо паша Помар-Кокласола трассыште 55-ше гыч 70-шо меҥге марте эрташ тӱҥалеш. Тудын кужытшо 15 меҥгат 400 метр лиеш. Кугу вашталтыш Одобеляк- Куженер- Параньга корнышто лийшаш. Тудын 4-ше гыч 9 меҥгыже марте пужен ыштат, 0 гыч 4-ше меҥгыже марте да 20 гыч 29-ше меҥгыже марте олмыктышаш улыт. Тыге корно пӱтынь кужытшо мучко уэмеш. Йошкар-Ола- Уржум корнын 118-ше гыч 131-ше меҥгыже марте ужашыште олмыктымо паша умбакыже шуйна. Олмыктымо планыште эше ик корно: Марий Турек гыч Марий Пыламарийыш. Тудын пӱтынь кужытшым олмыктат. Йошкар-Олам ончалаш гын, тений ныл уремым олмыктат. Тиде Кокшайск проездын кок меҥге наре кужытшо. Мир уремын кум меҥгат 300 утла метр кужытшо, Петров уремын ик меҥге кужыт корныжо, Яналов уремыште 300 метр утла кужытшым уэмдат. Ушештарена: эртыше ийын тенийсе планыш пурышо икмыняр уремын ужашыжым ончылгоч олмыктымо. Тиде Строитель, Йошкар Армий, Йыван Кырла уремлан ужашышт. Тиддеч посна тений Складской уремым олмыкташ палемдыме.

Прошлые выпуски