Марий Элыште «Движение первых» толкынын первичный пӧлкаже почылтын

Марий Элыште «Движение первых» толкынын первичный пӧлкаже почылтын
             Марий Элыште «Движение первых» толкынын первичный пӧлкаже почылтын. Теҥгече Республикым вуйлатыше  Юрий Зайцев кундемыштына йоча да самырык- влакын Российысе толкыныштын первичный пӧлкажым почмо марафонлан тӱналтышым пуэн. У самырык толкын тӱвыра, шӱм-чон яндарлык, историй, ӱшанымашын эн тӱҥ поянлыкшым аралаш, йоча- влакым шочмо элым аралаш, пашам пагалаш туныкташ шонымаш дене ышталтеш. Тудо мыланна, уло калыклан кӱлеш,- каласен республикым вуйлатыше. Российысе толкын йоча ден самырык- влакым ушен шогаш тӱналеш, а ме кугыеҥ- влак полшаш тӱҥалына. Ончыко парля кайышаш улына. «Движение первых» толкынын регионысо пӧлкаже йоча да самырык- влакын усталык полатышт негызеш почылтын. Кеҥежым мероприятий- влакым эртарашлан «Чодыра йомак» тазалыкым пеҥгыдемдыме комплексын, «Радужный» йоча тунемме рӱдерын, «Авангард» военно-патриот рӱдерын площадкыштым кучылташ тӱҥалыт. Тиде Российысе толкыным кодшо ийын ыштыме. Тудо элысе чыла йоча да самырык- влакын организаций ден толкыныштым ушен шога. Толкынын эскерыше советшым Президент Владимир Путин вуйлата. Декабрьыште толкынын икымше погынжо эртен. Тушто паша корно, план ден цель- влакым рашемдыме. Тушко сайын тунеммаш, тӱвыра илышыште участвоватлымаш, волонтёрство, историй шарнымашым аралымаш, таза илыш йӱла, экологий проектлам вияҥдымаш, пӱртӱсым аралымаш, туризмым вияҥдымаш пурат. Погынышко элысе 89 регионын еҥже- влак ушненыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски