Республикысе тӱшка транспортышто коштмылан ак шергештеш

Республикысе тӱшка транспортышто коштмылан ак шергештеш
               Республикысе тӱшка транспортышто коштмылан ак шергештеш. Моло кундемыште ак кушмо дене мемнан денат тиде йодышым нӧлталме. Муниципалитет- влак коклаште тӱшка транспортышто коштмылан ак кугемеш мо? манын йодмылан транспорт министерствыште тыге вашештеныт: Калыкым регулироватлыдыме тариф почеш шупшыктат. Шке роскотшым шотыш налын, перевозчик шке акым палемда. Акым вашталта гын, тидын нерген тудо министерствым шижтара. Коштшо еҥ акым негыз деч посна кӱзыктымӧ манын шотла гын, республикысе УФАС-ыш йодмашым возен кертеш, -умылтарыш министерствын пӧлкажым вуйлатыше Роман Рзаев. Тиде жапыште перевозчик- влак тарифым кугемдыме нерген увертареныт. Лишыл жапыште тудо икмыняр направленийыште вашталтеш. Таче кече гыч «Йошкар-Ола» автовокзал гыч Советский посёлкыш ак шергештын, кумшо февраль гыч Шернурыш ак кушкеш. 5-ше февраль гыч Ола воктелсе села, посёлкыла, яллашке, тыгак Мочалищыщ, Берёзка, Новотроицк. Черёмушки садлашке. 6-шо февраль гыч Куженер, Шорсола, Морко, Шернур гыч Марий Турекыш, Волжск гыч Йошкар-Олаш, Параньгаш, Килемарыш, Кокшайскыш, Мазар садыш шукырак тӱлыман. Изиш ондакырак Оршанкыш, Табашиныш, Волжский районыш ак кӱзен ыле.

Прошлые выпуски