Йошкар-Олаште общественностьын погынымашыже лийын
Йошкар-Олаште общественностьын погынымашыже лийын. Тудо Республикысе мер-политик рӱдерыште эртен. Тушко коммерцийдыме калыкле организаций ден мер толкынлам вуйлатыше- влак чумыргеныт. Тӱвыра министрын алмаштышыже Игорь Садовин 2025-ше ий марте кугыжаныш калыкле политикым шыҥдарыме нерген каласкален. Министрын алмаштышыжын мутшо почеш программым шыҥдарымашке ушнышо- вакын чотышт кум пачаш ешаралтын. Тений кугыжаныш программе кышкарыште финн-угор калык- влакын тӱвыраштлан пӧлеклалтше мероприятий- влак цикл эртаралтеш, Марий самырык тукымын слётшо, калыле пайрем- влак лийыт. Тиддеч посна книгам савыкташ оксам ойыраш палемдыме. «Российысе калык- влакын ассамблейышт» мер да кугыжаныш организацийым ыштыме нерген «Российысе марий- влакын калыкле- тӱвыра федерал автономийыштым» вуйлатыше Лариса Яковлева каласкален. У организаций Владимир Путинын указше почеш ышталтеш. Ассамблей кугыжаныш калыкле политикым саемдаш, калык кокласе келшымашым вияҥдаш виктаралтын. Регионысо пӧлкам ыштыме нерген решенийым ассамблейын черетан погыныштыжо тений февраль- мартыште пеҥгыдемдышаш улыт. Погынышо- влак тыгак Российысе калык переписьын лектышыжым каҥашеныт.
Фото: Тӱвыра министерстве.
Фото: Тӱвыра министерстве.
