Козьмодемьянскын Кубкыштыжо 96 килограмм колым кученыт
Колызо- влак Юл эҥерыште Козьмодемьянскын Кубкыштыжо 96 килограмм колым кученыт. Кодшо каныш кечылаште Юл эҥерыште ий ӱмбачын блесна дене колым кучымо дене Козьмодемьянскын Кубокшо эртен. Тушко 24 колызо спортсмен ушнен. Тӱшка вий дене 96 килограмм колым кучен луктыныт. Икымше верым Йошкар-Ола гыч Андрей Костерин сеҥен налын. Тудо 8 килоат 300 граммым кучен. Чебоксар гыч Спартак Чумаков 7 килограмм утла кол дене кокымшо верыш лектын. Кумшо вер Новочебоксарск гыч Игорь Васильевлан логалын. Тудын колжо 6 килограммат 400 утла граммыш шуын. Эн кугу кол 255 грамм нелытан лийын. Тудым Владимир Шашков луктын.
Фото: «Про город Козьмодемьянск»
Фото: «Про город Козьмодемьянск»
