Марий Элыште эн сай тӱвыра тӧнежым да нунын пашаеҥыштым рашемденыт

Марий Элыште эн сай тӱвыра тӧнежым да нунын пашаеҥыштым рашемденыт
            Марий Элыште эн сай тӱвыра тӧнежым да нунын пашаеҥыштым рашемденыт. Эн сай пашаеҥ- влак 50 тӱжем теҥге гыч, ялысе тӧнеж- влак шӱдӧ тӱжем теҥге гыч налыт. Тений конкурс комиссийыш 11 муниципал образований гыч 20 йодмаш пурен. Ялысе эн сай тӱвыра тӧнежлан Волжский районысо Пӧртанур, Курык марий Шындыръял, Провой Шемшӱргӧ, Знаменскийысе, Морко Кульбаш, Шернур Чылдемыр, Юрино районысо- Юркино ялысе клублам шотлымо. Ялысе клубышто пашам ыштыше эн сай тӱвыра пашаеҥ лӱмым Провой Юлъял клубым вуйлатыше Анатолий Мартынов, Нуктуж гыч Елена Юнусова. Йывансола клуб Татьяна Поликарпова, Шеҥше гыч Рамзия Николаева, Ондропсола тӱвыра пӧртым вуйлатыше Эрик Смирнов налыныт. Окса пӧлекым шушаш ийын тӱвыра пашаеҥын кечыже вашеш пуат.
            Фото: Павел Стариков / Кидшер

Прошлые выпуски