Республикыштына талукын туныктышыжым да марий йылмым эн сайын туныктышым сайленыт
Республикыштына талукын туныктышыжым да марий йылмым эн сайын туныктышым сайленыт. Теҥгече Шкетан лӱмеш марий кугыжаныш драма театрыште педагогике пашаеҥ- влакын «Марий Элын туныктышыжо» да «Марий йылмым эн сайын туныктышо» республике кӱкшытан профессионал мастарлык конкурсыштым иктешленыт. Погынышо- влакым Марий Эл Кугыжаныш Погыным вуйлатышын икымше алмаштышыже Лариса Яковлева саламлен. Тудо марий йылмым эн сайын туныктышын лӱмжым увертарен. Тиде лӱмым Совесткий районысо Солнечный посёлкышто тӱҥалтыш класслам да ИКН предметым туныктышо Ирина Сидорова сеҥен налын. Правительстве вуйлатышын алмаштышыже, тӱвыра министр Константин Иванов Республикысе талукын туныктышыжын лӱмжым каласен. Тиде - Йошкар-Оласе 15-ше школышто историйым туныктышо Анна Жгулёва. Сеҥыше- влаклан дипломым да республикым вуйлатышын окса премийже- 100 тӱжем теҥгелан сертификатым кучыктеныт. «Талукын туныктышыжо» лӱм верч 16 педагог кучедалын, «Марий йылмым эн сайын туныктышо» лӱм верч 6 туныктышо таҥасен.
Фото: Марий Эл Кугыжаныш погын.
Фото: Марий Эл Кугыжаныш погын.
