У цифран сервис СВО-н участникше- влаклан полышым налмашым куштылемда

У цифран сервис СВО-н участникше- влаклан полышым налмашым куштылемда
             У цифран сервис Марий Элыште СВО-н участникше- влаклан полышым налмашым куштылемда. Республикыште «СВО-н участникше да нунын ешыштлан полышым пуымо навигатор» электрон полышкалышым пашаш колтымо. Тудо 124 федерал, регионысо да муниципал полышым ушен шога. Сервисым Марий Элым вуйлатыше Юрий Зайцевын кӱштымыжӧ почеш ыштыме да полышым кычалме, налме пашам куштылемдаш виктаралтын.
             У системе икмыняр минутышто кажне еҥлан келшыше льгото, выплате, полыш спискым муаш полша. Тидлан анкетыште икмыняр йодышлан гына вашешташ кулеш, тиддеч вара сервис лач тиде еҥлан келшыше перечньым пуа. Тыгак полыш справочникат уло. Полыш спискым арален кодаш але печатлен лукташ лиеш. Тудын дене МФЦ-шке мияш йӧнан. Карточкышто телефон, Кугыжаныш полыш ден МФЦ-шке ссылке- влак улыт. Тиддеч посна «Ачамландым аралыше- влак» фондын полыш мерыже нергенат увер уло.
             Навигатор эре уэм шога. Тудым саемдаш манын шке шонымашым возен кодаш лиеш. Электрон полышкалыше Марий Эл Правительствын порталыштыже вераҥдалтын.
              © Павел Колядин/ ТАСС

Прошлые выпуски