Марий Элыште кыдалаш звенош пурышо 400 наре медицина пашаеҥ ок сите
Марий Элыште кыдалаш звенош пурышо 400 наре медицина пашаеҥ ок сите. Йошкар-Олаште кыдалаш медицина пашаеҥ- влак ассоциацийын координаций советын заседанийже эртен. Совещанийыште «Тазалыкаралтыш» калыкле проектым да Ассоциацийын паша лектышыжым каҥашыме. Пашаеҥ ситыдыме йодыш ик эн пӱсылан шотлалтеш. Тазалыкаралтыш министерствын ончыктымыжо почеш эше 10-15 ий ончыч Марий Элыште 7 тӱжем утла кыдалаш медицина пашаеҥ шотлалтын, а кызыт вич тӱжемат 600 еҥ гына. Медорганизаций- влаклан 391 специалист ок сите. Тидын годым функцийым уэш шеледаш кӱлеш. Кызыт Врачын южо обязанностьышт медшӱжар- влак ӱмбак логалеш. Кыдалаш медперсоналын паша качествышт дене кылдалтше йодышеш посна шогалме. Квалификацийыштым нӧлтымо шотышто республикыште паша чарныде шукталтеш, конференций- влак эртаралтыт, медшӱжар ден фельдшер- влак идалык еда конкурслаште участвоватлат.
Фото: Архив.
Фото: Архив.
