Марий Элыште Марий тиште кечым палемдыме
Марий Элыште Марий тиште кечым палемдыме. Марий Элым вуйлатыше Юрий Зайцев тиде пайремлан пӧлеклалтше торжественный мероприятийыште участвоватлен. Тудо Шкетан лӱмеш марий калыкле драма театрыште эртен. Юрий Зайцев палемден: марий йылме шонымашым каласаш полшышо йӧн гына огыл, тыгак курымла дене калыкын погымо уш-акылжым шыҥдарен ончыктымаш. Кажне шомакыште республикынан историйже, шӱм –чон да материальный поянлыкым, калыкле тӱвыра шыҥдарыше кугу шерагакан поянлык. Тудо ойлымыжо деч вара марий калыкын йылмыжым вияҥдаш, шымлаш, аралаш тыршымаште сеҥымаш- влакым тыланен да наградым кучыктен. Россий Просвещений министерствын Чап Грамотыжым Йывансола школын туныктышыжо Людмила Малининалан, Просвещений министерствын «Отличник просвещения» отличий палыжым Оршанке район администрацийын туынктыш пӧлкажын тӱҥ специалистше Галина Тоймаковалан пуымо. Тыгак Марий Элым вуйлатышын тауштымашыжым Эсмекплак школын туныктышыжр Эльвира Яковлевалан увертарыме. Республикым вуйлатышын тауштымашан серышыжым Кукнур школын туныктышыжо Людмила Алмаматова, Семёновкысо 21-ше школын туныктышыжо Оксана Васениналан, МарНИИЯЛИ-н вӱдышӧ шанче пашаеҥже Сергей Свечниковлан кучыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
