«За Марий Эл» поро кумыл фонд ик ий ыштыме пашаже кышкарыште СВО кундемыш 17 гуманитар да военно-шеф миссийым шуктен

«За Марий Эл» поро кумыл фонд ик ий ыштыме пашаже кышкарыште СВО кундемыш 17 гуманитар да военно-шеф миссийым шуктен
              «За Марий Эл» поро кумыл фонд ик ий ыштыме пашаже кышкарыште СВО кундемыш 17 гуманитар да военно-шеф миссийым шуктен. Фондым ыштыме кечылан пӧлеклалтше торжественный мероприятийыште Марий Элым вуйлатыше Юрий Зайцев участвоватлен. Тушто пашам иктешлыме да шушаш ийлан планым палемдыме. Фондым 2023-шо ийын 15-ше ноябрьыште ыштыме. Талукышто 17 гуманитар да военно-шеф миссийым ыштыме. Тидын годым фондын командыже кум ий наре жапыште СВО кундемыш коштеш, вич тӱжем тонн наре гуманитар грузым намиен. Икымше ийыште миссий жапыште 250 машинам ястареныт, 760 тонн утла грузым намиеныт. Торжественный ужаш деч ончыч Марий Элым вуйлатыше фондын гуманитар конвой дене коштмыжым ончыктышо фотовыставкым, маскирроватлыше вотым, шлем ӱмбаллыкым пидмым, модыш талисманым ыштымым ончен. Участник- влак дене мутланышыла палемден: фонд командын паша лектышыже ӧрыктарен куандара. Кызыт «За Марий Эл» поро кумыл фонд боец- влаклан, граждан калыклан гуманитар да военно-шеф полышым пуышо единый рӱдер улеш. Поснак Запорожский областьысе шефыш налме Куйбышев районлан полшымо шотышто. Республикым вуйлатыше фондым вуйлатыше Роман Золотухинын пашажым палемден. Тудо икымше кече гычак грузым намиен кодымо шотышто чолган тырша. Эртыше кок ийыште СВО кундемыште 240 утла кечым эртарен. Республикым вуйлатыше фондын еҥже- влаклан сай паша лектышым тыланен да наградым кучыктен. Марий Элым вуйлатышын тауштымашыжым «Сар нерген муро- влак» проектым вуйлатыше, фондын волонтёржо Мария Вишневскаялан. «Искусственный коваште заводлан», Йошкар-Оласе икымше номеран ТЭЦ-лан, Марий целлюлоз-кагаз комбинатлан уветарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски