Таче Марий тиште кече палемдалтеш

Таче Марий тиште кече палемдалтеш
             Таче Марий тиште кече палемдалтеш. Марий Элым вуйлатыше, Правительстве председатель Юрий Зайцев тиде пайрем дене республикысе калыкым саламла. Марий йылме- калыкын аклаш лийдыме поянлыкше, уш-акылын да тӱвыран келге памашыже.  Тудо вожшо дене кугезе тукым дене ушен шога, тукым гыч тукымыш йӱлам да тунамсе шӱлышым кусарен толеш. Таче марий йылме Республикыште гына огыл, ӧрдыж кундемлаштат кумдан кучылталтеш да тӱрлӧ кундемласе марий- влакым ушен шога. Республикыште  марий йылмым, тӱвырам да юмынйӱлам вияҥдыме пашалан кугу тӱткыш ойыралтеш. Шуко фестиваль, олимпиаде, шанче да шинчымашым пуышо мероприятий- влак эртаралтыт. Марий йылме цифран кумдыкыштат чолган ончыко кая. Интернетыште марий йылме дене утларак да утларак ресурс ышталтеш, теме дене сообществе- влак шочыт, шочмо йылме дене мутланаш да шинчымаш дене пайлалташ йӧным пуа. Тилыже самырык-влак коклаште марий йылмым шымлаш да шарен колташ полша. Тиде кечын марий йылмым арален кодышо, кече еда тудым тунемаш да шарен колташ тыршыше- влаклан таум каласем. Правительстве марий йылмым вияҥдаш да поддержатлаш умбакыжат тыршаш тӱҥалеш. Йӧратыза да аклыза марий йылмым. Пайрем дене!- ойлалтеш республикым вуйлатышын саламлымашыштыже.

             Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски