«Парня мучаш дене тӱням пален налына» конкурсын финалже эртен

«Парня мучаш дене тӱням пален налына» конкурсын финалже эртен
              Сокыр- влаклан Республикысе книгагудышто Брайль системе дене эн сайын лудшылан республике кӱкшытан  «Парня мучаш дене тӱням пален налына» конкурсын финалже эртен. Лудмо залышке ойырен налме турым эртыше эн сайын лудшо- влак погыненыт. Айдемын шонен лукмо лу эн кугу изобретенийым ойырен налаш кӱлеш лиеш ыле гын, Луи Брайльын рельеф да точко системыже лу эн сай радамыш пура ыле докан. Молан манаш гын тиде лудмо системе начар ужшо- влаклан реабилитироватлалтмаштышт, тӱвыра вияҥмаштышт, шинчымашым налмаштышт, илышыште йӧным муашышт эн кӱлешан элемент улеш. Конкурсыш Савино ял да Йошкар-Ола гыч лудшо- влак ушненыт. Нуно ямдылыме текст гыч ужашым кум минутышто лудшаш улыт ыле. Жюри выразительно лудмым, йоҥылышын чотшым, мыняр корным лудмым шотыш налын. Опытан лушо – влак сай лектышым ончыктеныт. Икымше верым Йошкар-Ола гыч Татьяна Шевелёва налын, Савино гыч Галина Никитина кокымшо лийын. кумшо вер Савино гыч Зоя Мочаевалан логалын.
           Фото: Тӱвыра министерстве.

Прошлые выпуски