Республикысе садовод- влакын ушемыштышт у председательым сайленыт
Республикысе садовод- влакын ушемыштышт у председательым сайленыт. Йошкар-Олаште коммерцийдыме сад товариществылан вуйлатышышт дене совещаний эртен. Тушто товариществылан пашашт, улшо прблеме- влакым каҥашыме. Погынымашын решенийже дене «Россий садовод- влак ушем» Российысе мер организацийын регионысо пӧлкажым вуйлатышылан ик йӱк дене Андрей Саватеевым сайлыме. Андрей Юрьевич Агропромышленный комплекс пашаеҥ- влак профессиональный ушемын Марий республикысе организацийжым вуйллата. Ончысо вуйлатыше Геннадий Петрушиным Марий Эл Кугыжаныш Погынын тауштымашыже да Ял озанлык министерствын Чап грамотыжо дене палемдыме.
Фото: ВНД.
Фото: ВНД.
