Йошкар-Олаште икымше номеран физкультура да тазалыкым пеҥгыдемдыме комплексым капитально олмыктымо
Йошкар-Олаште икымше номеран физкультура да тазалыкым пеҥгыдемдыме комплексым капитально олмыктымо. Паралимпий резерв спорт да адаптаций школын комплексыштыже 19 ий жапыште инфраструктурыжын тӱн системыже – влак тоштемыныт, пырдыжыште, леведышыште, негызыште ситыдымаш- влак палдырненыт. Тидыже тренировкылан экшыкым ыштен. ФОК-ышто йоча спорт команде, начар тазалыкан- влак да СВО-н участникше- демобилизоватлалтше боец- влак заниматлат. Кодшо ийын тушко Марий Элым вуйоллатыше Юрий Зайцевын мийымыже годым республикын бюджетше гыч капитально олмыкташ оксам ойыраш кӱштен ыле. Кызыт олмыктымо паша мучашлалтын. Тӱжвал могырымат, кӧргӧ велымат ачалыме. Марий Элым вуйлатыше шуктымо пашан качествыжым аклен да самырык спортсмен- влак дене мутланен. ФОК чынжымак вашталтын. Чыла спортсменлан чолга тренировкым да кугу сеҥымаш- влакым тыланем,- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
