Марий Элыште уэмдыме эндокринологий рӱдерым почмо
Марий Элыште уэмдыме эндокринологий рӱдерым почмо. Марий Элым вуйлатыше Юрий Зайцевын кӱштымыжӧ почеш Правительстве вуйлатышын икымше алмаштышыже Наталья Ошланова капитально олмыктымо деч вара Республикысе клинический эмлыме верын почылтшо Эндокринологий рӱдерышкыже миен. Тиде «Сакыр диабет дене кучедалмаш» федерал проектым шыҥдарымаште кӱлешан ошкыл,- палемден тудо. Эндокринологий службым капитально олмыктен у кумдыклашке кусарыме нерген решенийым пациент- влакым эмлыме верым саемдаш манын ыштыме. Пашалан республикын бюджетше гыч 2024-ше- 2025-ше ийлаште 23 миллион наре теҥгем кучылтмо. Тушечын кум миллионжо медицина оборудований ден мебельым налаш каен. У кумдык сутка мучко эмлаш 35 койкым да кечывал стационарлан 4 койкым вераҥдаш йӧным пуэн, ик-кок еҥлан утларак йӧнан палатылам почмо, йӧнан кабинет- влакым оборудоватлыме, «Сакыр диабет школышто» заниматлаш, диабет устел кабинетлан посна пӧлем- влакым ойырымо, кочмывер уло, начар коштшо пациент- влаклан йӧным ыштыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
