Марий Элыште «Йӧнан оласе кумдыкым ыштымаш» программылан кӧра 80 утла кумдык тӱзландаралтеш
Марий Элыште «Йӧнан оласе кумдыкым ыштымаш» программылан кӧра 80 утла кумдык тӱзландаралтеш. Тений республикыште 78 кумдыкым тӱзландараш палемдыме. Тушечын 29-ыже кудывече да 49-ыже тӱшка кумдык. Тиде пашалан 191 миллион утла теҥгем палемдыме. Тиддеч посна 2024-ше ий марте кум кугу проектым шыҥдараш планыш пуртымо. Тиде Волжск, Звенигво да Козьмодемьянск олалаште Российысе конкурсышто сеҥыше кумдык- влак. Нунылан 240 миллион теҥге кая. Республикыште федерал да инвестиций проектлам шыҥдарыме йодышым Россий Правительство Председательын алмаштышыже Марат Хуснуллинын эртарыме заседанийыште каҥашыме. Тушто Марий Элым вуйлатыше Юрий Зайцев участвоватлен. Вице-премьер палемден: 2022-шо ий илыме верым чоҥымо дене элнан историйыштыже эн лектышан лийын. Сандене темпым волтыман огыл. Марий Эл корным чоҥымо дене элна мучко 9-ше врыште кая, «Юл эҥерым тазаҥдымаш» федерал проектым шыҥдарыме дене 8-ше верыште улеш. Моло корно денат сай лектыш коеш. Кызыт республикыште кок тӱшка кумдыкым тӱзландарыме паша мучашлалтын, 11 объектыште паша умбакыже шуйна. Тенийсе объект- влак коклаште парк, сквер, эҥер сер, шӱгарла кундем, йолын коштмо вер- влак улыт. 15-ше апрель гыч 31-ше май марте шушаш ийын тӱзландарышаш объект- влак шотышто йӱклымаш эрта. Тушко Йошкар-Олаште 9-ым, Волжскышто- 7-ым, Медведевыште 5 кумдыкым пуртымо. Калыкым тушко чолган ушнаш ӱжыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
