Марий Элын правительствыже Запорожский областьын ик районыштыжо социал кӱлешан объектым уэмдаш полша

Марий Элын правительствыже Запорожский областьын ик районыштыжо социал кӱлешан объектым уэмдаш полша
            Марий Элын правительствыже Запорожский областьын ик районыштыжо социал кӱлешан объектым уэмдаш полша. Тений областьысе илемлаште тӧрлымашым йодшо объект- влакым  уэш ыштыме йодышым Российыште регионлам вияҥдыме шотышто Правительстве комиссийын штабыштыже каҥашыме. Тудым Россий Правительстве председательын алмаштышыже Марат Хуснуллин эртарен. Видеоконференций йӧн дене эртарыме  заседанийыште Марий Эл Правительстве председательын алмаштышыже Дмитрий Троицкий участвоватлен. Российын вице-премьерже палемден: у регион- влакым социал-экономик велым вияҥдыме программым 2023-шо 2025-ше ий-влаклан да 2030-шо ий марте план- влакым шотыш налын пеҥгыдемдыме. Программым шыҥдарымашке эше 26 субъект ушнен. Келшыше указым пеҥгыдемдаш Россий Президент деке колталтын. Марий Элын еҥже- влак Юрий Зайцев дене пырля Запорожский областьысе ик районыш миеныт да объект- влакым ончен лектыныт. Республикын правительствыже социал-кулешан объект- влакын коммунал инфраструктурыштым уэш нӧлташ полша. Эн ончыч тӧнеж- влакым у олтымо тургымлан ямдылаш кӱлеш. Марий Элым вуйлатышын кӱштымыжӧ почеш кажне объект шотышто жапым да могай пашам ыштышашым ончыктыман раш планым ыштыме. Чыла паша график почеш шукталташ тӱҥалеш. Йодыш- влакым Юрий Зайцев контрольышто куча.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски